สิ่งที่ต้องปฏิบัติตั้งแต่ช่วงวันปากปีเป็นต้นไป
ในวันสงกรานต์ไพนั้น จุ่งหื้อครูบาอาจารย์ เจ้านาย ท้าวพระญาเสนาอามาตย์ ข้าราชการไพร่ราษฎรทังมวลเอากันไพสู่โปกขรณี แม่น้ำ เค้าไม้ จอมปลวกใหญ่ หนทางไคว่สี่เส้นสุ่มกัน อว่ายหน้าไพสู่ทีสะหนวันออก อาบองค์สรงเกศเกล้าเกสี ปีนี้สรีอยู่ที่ท้อง หื้อเอาน้ำอบน้ำหอมเช็ดท้องเสีย กาลกิณีอยู่ที่หน้าผาก จังไตอยู่ที่หน้า หื้อเอาน้ำเข้าหมิ้นส้มป่อยเช็ดคว่างเสีย กล่าวคาถาว่า “อม สิริมา มหาสิริมา เตช ยสฺส ลาภา อายุ วณฺณา ภวนฺตุ เม” ลอยจังไรเสียในที่คนทั้งหลายฝูงนั้น แล้วมานุ่งทรงเสื้อผ้าผืนใหม่ เหน็บดอกส้มสุกอันเปนพระญาดอก หากจักมีอายุยืนยาวไพชะแล
